Financieri i Habilajve ekstradohet në Itali

Është ekstraduar në mënyrë të papritur në Itali, Nezar Seiti, i dyshuar si financieri i Habilajve.

Ai hetohet nga prokuroria e Katanias për trafik narkotikësh, ndërkohë që kishte masë sigurimi me burg në Shqipëri, përcjell albinfo.ch.

Ekstradimi është kërkuar edhe nga vetë Seiti pasi ai nëpërmjet avokatit të tij është shprehur se nuk beson tek drejtësia shqiptare ndaj kërkon që procesi ndaj tij të zhvillohet në Itali.

Përveç gjykatës së krimeve të rënda në Shqipëri për Seitin edhe gjykata e Katanias ka caktuar masën e sigurisë “arrest me burg”.

Në dosjen e hetuesve italian, Nezar Seiti, cilësohet si një person kyç që ka dijeni mbi shtrirjen dhe funksionimin e grupit “Habilaj” në kultivimin dhe trafikimin e kanabisit drejt Italisë. Seiti u arrestua në Babicë të Vlorës në një operacion ku u kapën 4 ton kanabis.