Fitoi 190 milionë euro në lotarinë Euromillions

Përveç tij kësaj here kanë qenë edhe katër persona tjerë që kanë fituar shuma të mëdha: secili nga 6.5 milionë franga

Plot 190 milionë euro, ose 206 milionë franga i ka fituar personi fatlum, ende i panjohur. Ajo që dihet është se ai ka paguar biletën e lotarisë diku në Britaninë e Madhe, shkruan albinfo.ch.
Përveç tij, kësaj here kanë qenë edhe katër persona të tjerë që kanë fituar shuma të mëdha: secili nga 6.5 milionë franga. Siç bën të ditur Loterie Romande, njëri nga këta katër fituesit është nga qyteti Renens i Kantonit Vaud.
Numrat fitues ishin: 7,10, 15, 44 dhe 49 si dhe yjet 3 dhe 12.
Është hera e katërt që dikush fiton shumën prej 190 milionë eurove në Euromillions, transmeton albinfo.ch. Herën e fundit kjo ka ndodhur në tetor të vitit 2017 në Spanjë.

---