FMD kundër monopolizimit të zërit të emigrantëve të Maqedonisë

Arsye për këtë reagim janë paraqitjet mediatike të njërës prej këtyre organizatave, e quajtur Diaspora e Bashkuar e Maqedonisë (DBM), e cila dëshiron të japë përshtypjen në publik se flet në emër të të gjithë diasporës nga Republika e Maqedonisë

Forumi për Maqedoni Demokratike, një komunitet i emigrantëve nga Maqedonia, kujton që qytetarët me prejardhje nga Maqedonia janë pjesë e më shumë organizatave në diasporë. Secila nga këto organizata mund të paraqitet vetëm në emër të anëtarëve të tyre, dhe jo të monopolizojë qëndrimin e gjithë diasporës”, thuhet në një komunikatë të FMD.

Arsye për këtë reagim janë paraqitjet mediatike të njërës prej këtyre organizatave, e quajtur Diaspora e Bashkuar e Maqedonisë (DBM), e cila dëshiron të japë përshtypjen në publik se flet në emër të të gjithë diasporës nga Republika e Maqedonisë. Një nga arsyet kryesore se pse u formua Forumi ishte pikërisht monopolozimi i zërit të emigrantëve nga organizata të bazuara në etnocentrizm dhe mbi agjenda nacionaliste, siç është DBM.

Forumi për Maqedoni Demokratike, ndryshe nga DBM-ja, përfaqëson komunitet të emigrantëve të drejtuar nga koncepte qytetare, e cila është multietnike, multikulturore dhe inkluzive, ashtu siç është dhe Republika e Maqedonisë.

Forumi për Maqedoni Demokratike angazhohet për një Maqedoni demokratike, europiane dhe me prosperitet, plotësisht të bashkërënditur në strukturat dhe organizatat euroatlantike. Rreptësisht i kundërvihemi atyre manipulimeve dhe gjeneralizimeve në publik që cilado organizatë e diasporës flet dhe përfaqëson qëndrimet e të gjithë emigrantëve, përfundon komunikata e FMD.

#Diasporëndryshe #FMD