Forbes: Dashuria e re e Kinës për Shqipërinë

“Forbes”, në një shkrim për Shqipërinë thekson se po rritet fuqia e kompanive kineze në vend.

“China Klaus po vjen në qytet! Për mirë apo për keq, kompanitë kineze po zëvendësojnë partnerët tradicional europian të Investimeve”.

Kështu e nis shkrimin“ Forbes“ dhe thekson se disa politikanë shqiptarë janë të shqetësuar për investimet kineze, pasi ajo investon punën e vet në tregun e huaj, përcjell albinfo.ch.

“Kjo është veçanërisht shqetësuese në rastin e Shqipërisë, që ka një shkallë papunësie 17.1%, pasi aty vendet e punës nevojiten tmerrsisht shumë”, shkruan prestigjozja amerikane „Forbes“.

Sipas Forbes, vëmendja e Kinës drejt një vendi të vogël si Shqipëria erdhi pas dhënies me koncension të ndërtimit 200 milion erusoh të rrugës së “Arbrit”, transmetojnë mediat në Tiranë.

Përmenden dhe investues e kompani të tjera kineze që operojnë në Shqipëri si: Geo-Jade Petroleum që bleu aktivitetin e nxjerrjes së karburantit në Patos-Marinzë; China Everbright që mori me koncension menaxhimin e aeroportit ndërkombëtar të Tiranës për 10 vitet e ardhshme.

Forbes shkruan se Kina është bërë një  partner kryesor për Shqipërinë me 7.75 të eksporteve duke kaluar edhe partnerët e vjetër të Kinës si Greqia dhe Turqia.

“ Dashuria e re e kinës për Shqipërinë, është një burim jetësor për kapitalin e jashtëm”, shkruan prestigjozja.

Gjithashtu përmenden dhe investimet e jashtme që kalojnë përmes Shqipërisë si gazesjellësi « Trans Adriatik ».

“Shqipëri qëndron një nga vendet më pak të zhvilluara në Europë. Një e pesta e popullsisë jeton nën vijën e varfërisë”, thekson Forbes.