Formacionet zyrtare Maltë-Kosovë

Malta nuk fiton prej 12 ndeshjesh pa fitore (tre barazime dhe nëntë humbje), ndërsa “Dardanët” kanë shtatë ndeshje pa humbje (shtatë fitore e dy barazime)

Përfaqësuesja e Kosovës në futboll luan sot në udhëtim te Malta, ndeshjen e parafundit të grupit në Ligën e Kombeve.

Takimi nis në ora 18:00, ku janë publikuar edhe formacionet zyrtare, ku nuk ka shumë risi, shkruan albinfo.ch.

Ujkani është në portë, derisa Vojvoda, Aliti, Rramani dhe Kololli janë në mbrojtje. Mesfusha përbëhet nga Valon Berisha, Hekuran Kryeziu dhe Herolind Shala, kurse anësorë janë Milot Rashica dhe Arbër Zeneli, derisa Muriqi është qendërsulmues.

Fitorja e Kosovës me Maltën është mëse e mundshme, bazuar në cilësinë e dy përfaqësueseve e po ashtu në formën e shfaqur së fundi.

Malta nuk fiton prej 12 ndeshjesh pa fitore (tre barazime dhe nëntë humbje), ndërsa “Dardanët” kanë shtatë ndeshje pa humbje (shtatë fitore e dy barazime).

Ndeshjet e fundit të grupit luhen të martën. Kosova e pret Azerbajxhanin në ndeshjen që mund të vendosë për vend të parë, ndërsa takimi Maltë – Ishujt Faroe pritet të jetë vetëm për statistika.

---