Fotografi dhe mbishkrime për “kthimin” e Radoiçiqit, policia inicion rast

Foto FB: Lista Serbe

Të dielën në Zubin Potok janë shpërndarë disa fotografi të ish-nënkryetarit të Listës Serbe dhe organizatorit të sulmit terrorist në Banjskë, Milan Radoiçiq.

Krahas kësaj, edhe mbishkrime që kërkojnë kthimin e tij: “Kthehu Radoiçiq”, “Serbët s’mund të vuajnë më shumë”.

Lidhur me rastin policia ka nisur hetime për “nxitje të urrejtjes”.

Rastin për Klankosova.tv e ka konfirmuar ushtruesi i detyrës së drejtorit për rajon e veriut, Veton Elshani. “Pas përfundimit të procedurave, me vendim të prokurorit, është iniciuar hetim dhe është urdhëruar që të ndërmerren veprimet e nevojshme që të identifikohen të dyshuarit dhe të sigurohet prezenca e tyre”, tha Elshani.

Po ashtu atje janë vendosur edhe disa fotografi dhe mbishkrime që janë kundër tij./Klan Kosova