Franca nis hetim ndaj rrjetit social X

Autoritetet franceze kanë filluar një hetim mbi rrjetin social X, duke e akuzuar atë për manipulim të algoritmeve me qëllim lehtësimin e “ndërhyrjes së huaj”.Ou9

Prokurorja Publike e Parisit, Laure Beccuau, bëri me dije se hetimi u hap më 9 korrik, pas ankesave të paraqitura në janar 2025 nga një ligjvënës francez dhe një zyrtar i lartë institucional. Sipas tyre, X manipulohet për të lehtësuar përhapjen e përmbajtjeve politike urrejtëse dhe raciste, që dëshmojnë për një përpjekje për të shtrembëruar debatet demokratike në Francë, transmeton albinfo.ch.

Hetimi po drejtohet nga Xhandarmëria Kombëtare dhe fokusohet jo vetëm në rrjetin social si entitet ligjor, por edhe në individët që e menaxhojnë atë, pa përmendur pronarin Elon Musk.