Francë: Më shumë azilkërkues shqiptarë se sa sirianë

Që nga mesi i janarit deri në fund të nëntorit 2016 jo më pak se 5.700 kërkesa kanë qenë të paraqitura nga shqiptarët në Francë

Në vitin 2016 shqiptarët ishin më shumë se sa irakianët apo sirianët që kërkuan azil në Francë. Ata gjendën në krye të statistikave OFPRA, ndërsa shanset e tyre për të marrë azil janë ende pothuajse zero, ndërkohë që Këshilli i Shtetit ka konfirmuar se Shqipëria, Kosova dhe Serbia ishin “vende të sigurta”, njofton albinfo.ch.

Që nga mesi i janarit deri në fund të nëntorit 2016 jo më pak se 5.700 kërkesa kanë qenë të paraqitura nga shqiptarët në Francë. Ky fenomen veç sa ndërlikon menaxhimin e kërkesave për azil, ndërsa sistemi francez po vuan gjithnjë e më shumë nga kriza e migrimit.

Në të vërtetë, Franca regjistron çdo muaj afro 293 aplikacione për azil të parashtruara nga shqiptarët në tremujorin e parë të vitit 2016, ndërsa ky numër është rritur për tri herë më shumë gjatë muajve, për të arritur në 973 veta vetëm në muajin nëntor 2016.

Megjithatë, kjo rritje e përgjithshme prej 93% në mes të njëmbëdhjetë muajve të parë të 2015-ës dhe të njëjtën periudhë në vitin 2016 mund të jetë vetëm fillimi. Kështu mendon ambasadori francez në Tiranë, Bernard Fitoussi. Më 9 dhjetor 2016 ai i pati dërguar një letër ministrit të Brendshëm me titull “Fryrje e emigracionit shqiptar në Francë”, ku arrin në përfundimin se “kjo situatë mund të përkeqësohet në muajt e ardhshëm për shkak të zbatimit të ligjit të ri, i cili kufizon kontrollet e Shqipërisë në kufi».