Frangu zviceran, referuar tregut të brendshëm valutor, ka pësuar rënie

(KEYSTONE/Martin Ruetschi)

Në tregun e këmbimit valutor vendas, të martën dollari amerikan forcoi lehtë pozitat në raport me lekun, krahasuar me një ditë më parë, ndërsa euroja humbi terren.

Sipas kursit zyrtar të Bankës së Shqipërisë, monedha e gjelbër amerikane u forcua me 0.05 lekë dhe këmbehet me 106.21 lekë, ndërsa euroja zbriti me 0.03 lekë dhe këmbehet me 120.36 lekë.

Paundi britanik krahasuar me një ditë më parë u mbiçmua me 0.46 lekë dhe u ngjit në kuotën 142.78 lekë.

Ndërkohë, frangu zviceran, referuar tregut të brendshëm valutor, ka pësuar një zbritje të kuotës, teksa blihet sot me 114.7 lekë dhe shitet me 115.6 lekë krahasuar me ditën e hënë.