Fshati Zermatt i zhytur edhe sot në borë

Zvicra është përballur edhe me reshje të dendura shiu (Video)

Tash e sa ditë, Zvicra është përballur me reshje të dendura shiu që kanë shkaktuar përmbytje dhe rrëshqitje balte, ndërsa është rishfaqur edhe bora, përcjell albinfo.ch.

Ditën e djeshme Albinfo.ch ka raportuar se ka rënë borë në resortin e njohur dimëror të Zermattit, në lartësinë 1638 metra.

“Temperatura pati një rënie mbresëlënëse, brenda katër ditëve.

Të enjten, termometri i stacionit lexoi 31.2 °C. Dje në orën 11.15 ishte 0.5 °C”, raportoi shërbimi i motit MétéoSuisse në platformën X.

Shumë qafa malore në Alpe, si Gotthard dhe Zimblon, kanë mbetur të mbyllura, për shkak të reshjeve të shiut që nisën mbrëmjen e së premtes dhe shkaktuan rrëke balte.

Shërbimet e trenave u anuluan në disa zona për shkak të rrëshqitjeve të dheut.

Sipas metorologëve, bora pritet të shkrihet shpejtë, ndërsa temperaturat do të vazhdojnë mes 10 – 25 gradë, varësisht nga zonat.

Shiu do të vazhdoj edhe sot të jetë prezentë pothuajse në gjithë Zvicrën.

 

---