FSHF me njoftim të rëndësishëm për tifozët në ndeshjen e ardhshme të Shqipërisë

FSHF

Federata Shqiptare e Futbollit ka njoftuar tifozët shqiptarë që do të ndjekin ndeshjen “Shqipëri Ishujt Faroe” në stadiumin “Air Albania” për rregullat.

“FSHF dëshiron të njoftojë të gjithë tifozët shqiptarë që do të jenë të pranishëm në ndeshjen e ditës së nesërme Shqipëri – Ishujt Faroe, (20 nëntor, ora 20:45), e vlefshme për kualifikueset e Kampionatit Europian “Gjermani 2024” mbi orarin e hyrjes në stadiumin “Air Albania”. Hyrja e tifozëve në stadium do të nisë nga ora 17:45. FSHF kërkon bashkëpunimin e të gjithë tifozëve shqiptarë që do të ndjekin ndeshjen në stadium të paraqiten në kohë, në mënyrë që të mos krijohen radhë ose vonesa dhe të gjithë të jenë në vendin e tyre në ora 20:45, kur pritet të nisë edhe kjo ndeshje. 20 nëntori duhet të jetë një ditë feste për të gjithë”, thuhet në njoftim, përcjell albinfo.ch.

FSHF falënderon tifozët për mbështetjen e vazhdueshme dhe të pashtershme që i japin gjithmonë ekipit Kombëtar.