FSK-ja, institucioni më i besueshëm në Kosovë

Forca e Sigurisë së Kosovës e gëzon besimin më të madh të qytetarëve me 3.89 për qind, si dhe ka pasur një rritje të vazhdueshme nga qytetarët e Kosovës, pastaj vjen Policia e Kosovës me 3.81 për qind të respodentëve të anketuar

Forca e Sigurisë së Kosovës vazhdon të jetë ndër institucionet më të besueshme në Kosovë, raporton albinfo.ch.

Kështu bëhet e ditur sipas të dhënave të publikuara nga Instituti Kosovar për Kërkime dhe Zhvillim të Politikave (KIPRED) me temën: “Monitorimi i Sektorit të Sigurisë së Kosovës: korrik-nëntor 2016.

Sa i përket besimit të përgjithshëm gjatë muajve të fundit të qytetarëve të Kosovës, del, se Forca e Sigurisë së Kosovës e gëzon besimin më të madh të qytetarëve me 3.89 për qind, si dhe ka pasur një rritje të vazhdueshme nga qytetarët e Kosovës, pastaj vjen Policia e Kosovës me 3.81 për qind të respodentëve të anketuar.

Forca e Sigurisë së Kosovës është ndër institucionet më të besueshme në vend sipas të gjitha hulumtimeve dhe anketimeve, në pesë vitet e kaluara, dhe lë pas kështu vazhdimisht të gjitha institucionet tjera të sigurisë në nivel vendi.