FSK-ja shpërndan maska në Prishtinë

Një automjet i Forcës së Sigurisë së Kosovës është ndalur përpara obeliskut NEWBORN në kryeqytet, ndërsa përpara tij dy ushtarë kanë shpërndarë maska për qytetarët.

Maska vazhdon të jetë njëra nga masat më të nevojshme që secili qytetar duhet ta mbajë për t’u mbrojtur nga koronavirusi.

Ditët e fundit në Kosovë është thyer rekordi i rasteve të reja ditore me COVID-19. Për disa ditë, rastet e 24 orëve kanë kaluar 2-mijëshin.

Përveç institucioneve vendore, Ambasada amerikane në Kosovë u ka bërë thirrje qytetarëve të Kosovës që të mbrohen nga COVID-19 duke u vaksinuar.