G7 diskuton për dialogun Kosovë-Serbi

G7, Hiroshima, Japoni

Të mbledhur në Hiroshima të Japonisë, liderët e G7 kanë diskutuar edhe për dialogun Kosovë-Serbi.

Udhëheqësit kanë mirëpritur marrëveshjen e 27 shkurtit dhe aneksin e saj të zbatimit në Ohër, përcjell albinfo.ch.

Palëve mes tjerash u është bërë thirrje edhe për zbatimin e aneksit të dakorduar më 18 mars.

“Ne e mirëpresim marrëveshjen për rrugën drejt normalizimit të marrëdhënieve ndërmjet Kosovës dhe Serbisë dhe aneksin e saj të zbatimit, të arritur në kuadër të dialogut të lehtësuar nga BE-ja në Bruksel më 27 shkurt dhe në Ohër më 18 mars respektivisht. Me qëllim të zhbllokimit të potencialit të plotë për qytetarët e Kosovës dhe Serbisë dhe për avancimin e marrëdhënieve të fqinjësisë së mirë në Ballkanin Perëndimor, ne u bëjmë thirrje të dyja palëve që të zbatojnë me lehtësi dhe mirëbesim detyrimet e tyre përkatëse”, thuhet në komunikatën e lëshuar nga ky samit.