Gati një ton mbeturina është nxjerrë nga liqeni i Gjenevës

(KEYSTONE/Laurent Gillieron)

Banorët e Gjenevës janë mbledhur përsëri për t’i tubuar mbeturina në dhe rreth liqenit të Gjenevës këtë fundjavë, teksa rreth 950 kg mbeturina u gjetën, njoftuan organizatorët të dielën në mbrëmje, shkruan swissinfo.ch.

Për herë të 31-të, vullnetarë morën pjesë në këtë iniciativë të shoqatës së zhytjes në ujë “Genève action lac propre”, të mbështetur nga donacione, kantoni dhe autoritetet lokale ndërsa këtë herë ishin 150 pjesëmarrës, më pak se vitet e mëparshme.

Frekuentimi më i ulët u reflektua në vëllimin e rikuperuar, i cili vitet e fundit ka qenë mbi një ton.

Këtë vit, pjesëmarrësit mblodhën një kazan lavatriçe, dhjetë goma makinash, dy kompjuterë dhe mijëra bishta cigaresh. Ata punonin si duke u zhytur në liqen, ashtu edhe duke ecur përgjatë bregut, përcjell albinfo.ch.

Të dielën në ceremoninë zyrtare morën pjesë kryetari i Bashkisë së Gjenevës, Alfonso Gomez dhe kreu i Policisë kantonale, Monica Bonfanti.