Lajme

Gazeta austriake “Heute”: Terroristi islamik që planifikoi krimin është Beran A.

I arrestuari planifikoi të ngiste makinën e tij në turmë, pastaj donte të dilte dhe të vriste sa më shumë njerëz me armë

E enjte, 8 Gusht 2024 - 15:00 albinfo.ch

Gazeta austriake që në titull Beran A e cilësoi si një fanatik i IS-it.

Planet e tij ishin të detajuara për qarkullimin e këtij krimi të mirëplanifikuar, që si rrjedhojë do të shkaktonte vrasje në numër të lartë në koncertin e Swift, në Vjenë, transmeton albinfo.at.

Mirëpo çfarë dimë deri tani për Beran A?

Pikërisht dy javë më parë, i dyshuari terrorist Beran A la punën në një kompani të përpunimit të metaleve në Austrinë e Poshtme. Fjalët e tij në atë kohë ishin: “Unë kam ende plane të mëdha!” Që atëherë 19-vjeçari nga Ternitz ishte përgatitur me përpikëri për një masakër të planifikuar në një nga koncertet e Taylor Swift në Vjenë.

Së fundmi, ai ka bërë një rrëfim të gjerë para hetuesve: “Plani ishte që shumë të rinj të vdisnin – ishte përgatitur veçanërisht në mënyrë perfide”, shkruan tutje gazeta Heute.

Planet ishin që sot(e enjte), nga ora 16:00, të ndodhte sulmi terrorist nga Beran A.

Rreth 20 mijë tifozë pritej të ishin mbledhur sot para stadiumit, të cilët nuk morën bileta për shfaqjen, por gjithsesi donin të ishin pranë idhullit të tyre.

I arrestuari planifikoi të ngiste makinën e tij në turmë. Pastaj ai donte të dilte dhe të vriste sa më shumë njerëz me armë. Si një kulm vdekjeprurës, ai supozohej të shpërthente një bombë të bërë vetë. Ai do të hidhte në erë edhe veten. Shkalla e terrorit do të ishte e pamatshme, shkruan tutje gazeta austriake.

https://www.heute.at/s/is-fanatiker-beran-wollte-unglaeubige-in-wien-toeten-120052426?fbclid=IwY2xjawEhm-BleHRuA2FlbQIxMAABHfXLKZ_PZfcJafCosubuqntVHkL7invbU9W4ax-PQ88F90Blt_pDYoVbKg_aem_GUsTeRKveHN9-8TJNgqL4Q

19-vjeçari i dyshuar për terrorizëm jetonte me familjen e tij në këtë ndërtesë banimi në Ternitz.

Policia gjeti në shtëpinë e tij eksplozivë, detonatorë dhe mjete të tjera shpërthyese dhe thika. Madje ai kishte fshehur 21 mijë euro para të falsifikuara. /Albinfo.at