Gifi po mbyll 16 nga 31 lokacionet e saj në Zvicër

Gifi përgjysmon numrin e degëve në Zvicër, mbyllen 16 lokacione

Rrjeti francez i zbritjeve Gifi po redukton ndjeshëm praninë e tij në Zvicër, duke mbyllur 16 nga 31 degë që operon aktualisht në vend, përcjell albinfo.ch.

Vendimi ka prekur drejtpërdrejt punonjësit, pasi në një degë në Aargau, stafi ka marrë papritur njoftime me shkrim për pushim nga puna rreth festave të Krishtlindjeve.

Mbyllja e këtyre lokacioneve vjen menjëherë pas marrjes së Gifi-t nga konkurrenti Maxi Bazar, një zhvillim që duket se ka ndikuar në ristrukturimin e rrjetit të shitjeve në Zvicër.

Reduktimi i degëve ngre shqetësime për sigurinë e vendeve të punës dhe të ardhmen e markës në tregun zviceran.

---