Gjeneva, Lozana, Cyrihu, Bazeli dhe Berna zyrtarisht financojnë trenat e natës

Pas refuzimit të Parlamentit, qytetet kryesore zvicerane marrin trenat e natës në dorë

Pesë qytetet më të mëdha të Zvicrës kanë vendosur zyrtarisht të marrin në dorë financimin e linjave ndërkombëtare të trenave të natës, pasi Parlamenti refuzoi të subvencionojë linjën Basel–Malmö, transmeton albinfo.ch.

Autoritetet lokale të Gjenevës, Lozanës, Cyrihut, Bazelit dhe Bernës kanë bashkuar përpjekjet për të siguruar fonde për lidhjet hekurudhore të natës, por edhe për linjat ndërkombëtare ditore që nuk mbështeten nga Qeveria federale.

Sipas këshilltarit komunal të Lozanës, Louis Dana, qëllimi i kësaj nisme është gjetja e zgjidhjeve alternative të financimit për të ruajtur dhe zgjeruar transportin hekurudhor ndërkombëtar, veçanërisht atë të natës.

---