Gjermanët gjithnjë e më shumë po vlejnë vetura elektrike

Ndërsa tensionet në Lindjen e Mesme vazhdojnë të rrisin çmimet ndërkombëtare të naftës dhe gazit, kostoja e karburantit për automjete është rritur vazhdimisht në shumë vende evropiane

Një numër gjithnjë e në rritje i konsumatorëve gjermanë po shqyrtojnë mundësinë e blerjes së automjeteve elektrike (EV) përballë çmimeve të larta të karburantit, sipas një ankete të fundit nga platforma më e madhe gjermane e tregtimit të makinave online, mobile.de.

Ndërsa tensionet në Lindjen e Mesme vazhdojnë të rrisin çmimet ndërkombëtare të naftës dhe gazit, kostoja e karburantit për automjete është rritur vazhdimisht në shumë vende evropiane.

Sipas të dhënave të çmimeve të karburantit të përpiluara nga Shoqata Gjermane e Industrisë Automobilistike, që kur Shtetet e Bashkuara dhe Izraeli nisën sulmet ushtarake kundër Iranit më 28 shkurt, çmimet e benzinës në Gjermani janë rritur me gati 20 përqind, ndërsa çmimet e naftës janë rritur me më shumë se 30 përqind, shkruan Scan, transmeton albinfo.ch.

Rezultatet e anketës tregojnë se nëse çmimet e benzinës mbeten në nivelet e larta aktuale, 43 përqind e të anketuarve thanë se do të kalonin në automjete elektrike dhe 36 përqind përmendën kursimet afatgjata të kostos si arsyen më të rëndësishme për të marrë në konsideratë blerjen e një makine elektrike.

Për më tepër, të dhënat e platformës tregojnë se pyetjet në lidhje me automjetet elektrike të përdorura u rritën me 66 përqind në gjysmën e parë të marsit.

“Absolutisht po shohim shumë më tepër interes në mobile.de për makinat elektrike. Atë që tranzicioni energjetik gjerman nuk mundi ta bënte, e ka bërë kjo situatë aktuale gjeopolitike në aspektin e tranzicionit drejt makinave elektrike”, tha Ajay Bhatia, CEO i mobile.de.

Përveç çmimeve të larta të naftës, subvencionet qeveritare janë gjithashtu një faktor kyç që i shtyn konsumatorët gjermanë të marrin në konsideratë blerjen e automjeteve elektrike.

---