Gjermania ashpëron masat

Autoritet gjermane kanë vendosur që të forcojnë kontrollet dhe të garantohet periudha e karantimit

Gjermania do të ashpërsojë kufizimet e vendosura për popullsinë përballë pandemisë së koronavirusit, veçanërisht me gjoba të larta në rast të mosmbajtjes së maskave, sipas një projektmarrëveshjeje mes rajoneve dhe qeverisë.

Autoritetet do të riforcojnë kontrollet për t’u garantuar që periudha e karantinimit respektohet dhe do të vendosin gjoba nëse do të jetë rasti, sipas tekstit të negociuar nga qeveria gjermane e Angela Merkel dhe 16 rajonet gjermane, që parashikojnë përveç të tjerave të kufizojnë tashmë deri në 25 numrin e pjesëmarrësve në një ngrumbullim privat.

Gjermania pret një rritje të mëtejshme të përhapjes së infeksionit gjatë muajve të dimrit. Gjobat prej të paktën 50 eurove do të futen për të mos bartje të maskës në vendet ku është e detyrueshme. Gjermania gjithashtu do të ndalojë audiencën në stadiume, vende kulturore, festivale apo panaire deri në fund të vitit, thuhet në tekst. Kjo është një goditje e rëndë për klubet e futbollit në vend, të cilat shpresonin se ata do të mund të kthejnë pjesërisht tifozët në stadiume me fillimin e sezonit të ri.

Përjashtime do të lejohen në rajone ku niveli i infeksionit është i ulët për të paktën një javë dhe nëse sigurohet që pjesëmarrësit të vijnë ekskluzivisht nga ai rajon ose rajone fqinje, ku shtypet gjithashtu përhapja e virusit. Qeveria dhe rajonet gjithashtu u bëjnë thirrje qytetarëve që të mbajnë sa më pak numrin e njerëzve me të cilët janë në kontakt, të kufizojnë tubimet private në 25 persona, të respektojnë një distancë minimale prej 1.5 metrash dhe të zgjedhin takime në natyrë.

Numri i rasteve është rritur në ditët e fundit në Gjermani dhe kjo ka bërë që të ashpërohen masat.

Një ditë më parë Gjermania ka vendosur që 160 shtete të mbeten në zonën e rrezikut të lartë dhe nuk rekomandohet të udhëtohet në këto vende deri më 14 shtator.

---