Gjermania bllokon bashkimin familjar të refugjatëve?

Nga janari deri në shtator 2017, rreth 4950 refugjatëve në Greqi u është lejuar të vijnë në Gjermani në kuadër të bashkimit familjar. Por realisht kanë ardhur vetëm 322 persona

KEYSTONE

Në Greqi mijëra refugjatë presin të bashkohen me familjet në Gjermani,pasi që kanë një premtim për të vazhduar udhëtimin drejt këtij vendi. Bashkimi familjar ishte temë e rëndësishme në fushatën zgjedhore gjermane.

Sipas një raportimi në media, e drejta e refugjatëve në Gjermani për të tërhequr familjet e tyre që presin në Greqi zbatohet me ngurrim tejet të madh.

Nga janari deri në shtator 2017, Zyra Federale për Migracionin dhe Refugjatët (BAMF) u ka dhënë lejen rreth 4950 refugjatëve në Greqi, ndër ta 3000 fëmijëve, të vijnë në Gjermani në kuadër të bashkimit familjar, shkruan gazeta gjermane „Osnabrücker Zeitung”, transmeton DW. Por realisht kanë ardhur vetëm 322 persona, thekson media gjermane bazuar në përgjigjen e qeverisë gjermane me kërkesë të partisë së majtë (E Majta).

Dy të tretat e të prekurve janë sirianë dhe irakianë, mes tyre ka mjaft fëmijë e të rinj që bërbëjnë rreth 60 për qind.

Ministria e Brendshme gjermane ofron si arsye për vonesat në bashkimin familjar probleme koordinimi logjistik në Greqi.