Gjermania dënon ashpër sulmin ndaj Policisë së Kosovës, Sarrazin sot në Kosovë

Ilustrim, Pixabay

Ministria e Jashtme e Gjermanisë përmes një reagimi në Twitter, ndaj postimit të Përfaqësuesit të Lartë për Politikë të Jashtme të Bashkimit Evropian, Josep Borrell, ka dënuar ashpër sulmin ndaj policisë së Kosovës në veri.

“Ne dënojmë sulmin e tmerrshëm ndaj policisë së Kosovës në termat më të ashpër të mundshëm. Mendimet tona janë me familjen e oficerit të vrarë dhe të plagosurit rëndë. Grupet e armatosura të paligjshme duhet të ndalojnë rrezikimin e jetëve. Autorët duhet të mbajnë përgjegjësi”, kanë shkruar nga ministria, përcjell albinfo.ch.

Në njoftim po ashtu thuhet se i dërguari special i Gjermanisë për Ballkanin Perëndimor, Manuel Sarrazin, do të udhëtojë sot në Kosovë.

We condemn the hideous attack on #Kosovo Police in strongest possible terms. Our thoughts are with the killed officer’s family & the severely injured. Illegal armed groups must stop putting lives at risk. Perpetrators must be held accountable. @ManuelSarrazin travels to 🇽🇰 today. https://t.co/llQI57km1n

— GermanForeignOffice (@GermanyDiplo) September 24, 2023