Gjermania ia sheh  «hajrin» punëtorëve nga vendet tjera evropiane

Ardhja e punëtorëve të rinj në Gjermani nga shtetet e tjera anëtare të Bashkimit Evropian ka dhënë efektin për rritjen e prosperitetit ekonomik të vendit, një mesatare prej 0.2 për qind në vit në periudhën nga 2011 në 2016, shkruan “Deutsche Welle”, përcjell albinfo.ch.

Për këtë arsye, ekspertët gjermanë rekomandojnë lehtësimin e procedurave administrative gjermane për të njohur ekspertizën e punëtorëve që vijnë në Gjermani.

Në studimin e fundit nga Instituti Gjerman për Kërkime Ekonomike (DIW), me seli në Berlin, vlerësohet për rritjen më të lartë në vitin 2015, kur numri më i madh i punëtorëve nga vendet e tjera të BE-së erdhi në Gjermani.

Që nga viti 2011, numri i punëtorëve nga shtetet e tjera që u zhvendos në Gjermani ka arritur një mesatare prej 720.000 në vit ose një total prej mbi 5.100.000.

Ky trend u bë aktual në vitin 2011 kur qytetarëve të BE-së iu dha mundësia të zgjedhin ku të jetojnë dhe punojnë brenda Bashkimit.

Qytetarët e Bullgarisë, Rumanisë dhe Kroacisë kanë fituar këtë mundësi më vonë, pra në vitin 2014 dhe 2015, kur është regjistruar fluksin më të madh të punëtorëve.

Arsyeja kryesore për këtë migrim brenda kufijve të BE-së është gjendja e dobët ekonomike në vendet e punëtorëve të origjinës, sipas sondazhit të DIW.

Autori i studimit Marius Clemens thotë se Gjermania duhet të bëjë përpjekje më të mëdha që të jetë më tërheqëse për punëtorët nga vendet e tjera evropiane, sepse në ndërkohë vendet e tjera në eurozonë kanë regjistruar indikatorët më të mirë ekonomik.

Ai beson se është e rëndësishme që punëtorët të marrin më shumë mundësi punësimi që përshtaten me kualifikimet e tyre.