Gjermania me imazhin më të mirë në botë

Sipas një studimi të fundit, Gjermania gëzon reputacionin më të mirë në botë duke ia kaluar edhe Shteteve të Bashkuara të Amerikës. Kjo mësohet nga një hulumtim i bërë publik nga Instituti për Hulumtimet e Tregut GfK, raporton “Deutche Welle”.

Sipas këtij hulumtimi, SHBA-ja në renditjen për reputacion ka rënë në vendin e gjashtë, kurse Franca në nivel ndërkombëtar konsiderohet si vendi i dytë më i preferuar, Britania e Madhe qëndron stabil në vend të tretë, ndërsa Kanadaja dhe Japonia renditen së bashku në vendin e katërt, përcjell albinfo.ch.

Hulumtimi është kryer në 50 vende në mbarë botën. Hulumtimi bazohet tek imazhi i vendit në kategoritë eksport, qeveri, kulturë, njerëzit, turizmi dhe imigrimi/investimet.

Gjermania del mjaft pozitive në të gjashtë kategoritë dhe renditet në shumicën e tyre ndër pesë vendet kryesore me eksportet në vendin e tretë, qeverisje në vendin e katërt, kulturë nën vendin e katërt, njerëzit në vendin e katërt, imigrim/investim në vendin e dytë.

Gjermania ka pikë plus kryesisht në kategoritë kulturë, qeveri dhe njerëzit. Vetëm në turizëm Gjermania renditet në vendin e dhjetë.

Sipas këtij studimi Gjermaninë e preferojnë më shumë kinezët, rusët dhe italianët. Më pak pozitiv vlerësohet Gjermania nga vendet fqinjë Franca dhe Polonia. Edhe vet gjermanët janë kritikë ndaj vendit të tyre.