Gjermania legalizon martesat brenda gjinisë së njëjtë

Merkel ka votuar kundër projekt-ligjit, edhe pse më shumë se 70 anëtarë të bllokut të saj konservator votuan për këtë ligj

Çiftet homoseksuale në Gjermani tani do të jenë në gjendje të martohen dhe të adoptojnë fëmijë në bazë të një ligji të ri të miratuar nga ligjvënësit. Ky ligj, i cili thotë se “martesa lejohet në mes të dy njerëzve të gjinive të ndryshme apo të ndryshëm apo të njëjtë,” e afron Gjermaninë me vendet e tjera evropiane.

Bundestagu miratoi një projekt-ligj për të legalizuar martesat e të njëjtit seks, në një votim të shpejtë përpara pushimeve të verës të Kancelares Angela Merkel.

Ligji u miratua nga 393 deputetë që votuan “për”, 226 “kundër” dhe katër abstenime. Merkel ka votuar kundër projekt-ligjit, edhe pse më shumë se 70 anëtarë të bllokut të saj konservator votuan për këtë ligj.

Merkel më vonë shpjegoi vendimin kundër duke thënë se sipas përcaktimit në kushtetutën gjermane, martesat vlejnë vetëm për bashkim midis burrave dhe grave. Ajo, megjithatë, tha se shpreson se legalizimi i martesave në mes të homoseksualëve do të çojë në “paqe të madhe sociale.”