Gjermania mbështet projektet për integrim të komuniteteve

Gjermania është e interesuar që të ndihmojë për zhvillimin ekonomik në Mitrovicë, sidomos projektet që ofrojnë integrimin e komuniteteve

Këtë premtim e ka dhënë te shtunën në Mitrovicë, Johanna Bruggemann, zyrtare për ndihma për Kosovën në Ministrinë për Zhvillim Ekonomik të Gjermanisë, e cila u takua me kryetarin e Komunës së Mitrovices, Avni Kastrati, raportojnë mediat e Prishtinës.

Bruggemann tha se projektet zhvillimore janë shumë të rëndësishme për relaksimin e situatës.

Në këtë kontekst, u përmend edhe projekti për ndërtimin e një Qendre rinore në afërsi të urës së Ibrit, e cila do të shfrytëzohej për aktivitete nga të rinjtë që jetojnë në jug dhe në veri të lumit.