Gjermania nuk do të bashkëpunojë në Ngushticën e Hormuzit

Kancelarja e Gjermanisë, Angela Merkel dhe e gjithë qeveria gjermane, nuk e shohin vendin pjesë të një misioni detar, të udhëhequr nga SHBA-ja në ngushticën e Hormuzit, tha një zëdhënës i qeverisë gjermane.

Gjermania nuk e konsideron të nevojshme pjesëmarrjen në një mision të udhëhequr nga SHBA-ja në situatën aktuale.

Ambasada e SHBA-së në Berlin tha javën e kaluar se Shtetet e Bashkuara kishin kërkuar nga Gjermania të bashkohej me Francën dhe Britaninë, në një mision për të mbrojtur transportuesit që qarkullojnë në Ngushticën e Hormuzit, si dhe për të luftuar “agresionin iranian”.

Në një kohë të tensionit të shtuar mes Shteteve të Bashkuara dhe Iranit, Uashingtoni ka propozuar forcimin e përpjekjeve për të ruajtur Ngushticën e Hormuzit që gjendet në rajonin e Gjirit, përmes së cilës kalon rreth një e pesta e naftës në botë, raportojnë mediat e huaja.

---