Gjermani: 200 milionë euro ndihmë për personat e zhvendosur në Ukrainë

(KEYSTONE/Jean-Christophe Bott)

Gjermania do t’i japë Ukrainës 200 milionë euro shtesë për të financuar programet e ndihmës për të zhvendosurit brenda vendit si rezultat i pushtimit të Rusisë, tha për grupin Funke Media Ministrja e Zhvillimit, Svenja Schulze, transmeton albinfo.ch.

Kryeministri ukrainas, Denys Shmyhal, do të vizitojë Berlinin të hënën, ku do të takohet me kancelarin gjerman, Olaf Scholz.

“Unë do të flas me kryeministrin Shmyhal se si ne mund të vazhdojmë të mbështesim qeverinë ukrainase në kujdesin për njerëzit e zhvendosur”, tha Schulze.

“Paratë synojnë të ndihmojnë njerëzit e zhvendosur në Ukrainë që të vazhdojnë të jenë në gjendje të sigurojnë veten me gjërat thelbësore”, shtoi ai.

Që nga 23 gushti, rreth 7 milionë njerëz janë zhvendosur brenda vendit në Ukrainë që nga pushtimi i Rusisë më 24 shkurt, treguan të dhënat nga Organizata Ndërkombëtare për Migracionin e Kombeve të Bashkuara.

Muajin e kaluar, një zyrtar i qeverisë gjermane tha se Bashkimi Evropian synonte të krijonte një paketë financimi për Ukrainën me vlerë rreth 8 miliardë euro deri në shtator, në të cilën Gjermania do të kontribuonte, transmeton tutje albinfo.ch.