Gjuetarët izraelitë, në ndjekje të ujkut të madh

Numri i ujqërve afër shkretëtirës së Judesë në Izrael është shtuar ndjeshëm, derisa gjuetarët po kërkojnë një ujk, që po cilësohet i rrezikshëm.

Sytë e një grabitqari që lëviz nëpër shkretëtirën e Judesë janë lehtësisht të dukshëm afër një parku. Por, që nga fillimi i verës, kur rendi natyror u ndryshua paksa, gjuetarët besojnë se sytë e rrufeshëm i përkasin një ujku.

Marrë parasysh se kjo zonë është mjaft e vizituar nga turistët, autoritetet kanë filluar punën për t’i mbrojtur turistët dhe vendësit, përcjell albinfo.ch.

“Ishte errësirë dhe vajza ime doli pranë shtëpisë. Papritmas dëgjova një lloj ulërime”, tha Shilhav Ben David, e cila shkoi për vizitë në këtë shkretëtirë.

Rreth 20 ujqër besohet se jetojnë 20 kilometra afër shkretëtirës ndërmjet dy pikave turistike të njohura. “Ne zbuluam se kishte njerëz që ushqenin ujqit”, tha David Greenbaum, gjatë një patrullimi rutinë pranë zonave të banuara të shkretëtirës. Greenbaum dhe ekipi i tij kanë ngritur kurthet aty ku ujqërit janë vërejtur.

Deri tani janë kapur dy ujqër. Njëri do të lirohet në një zonë më të largët, me ç’ rast do t’i vendoset edhe sistemi GPS.