Gjykata e Lartë e Rusisë ndalon aktivitetin e LGBT-së

I nxitur nga një mocion i Ministrisë së Drejtësisë, ndonëse nuk ekziston si person juridik, e ashtuquajtura “Lëvizja publike ndërkombëtare LGBT” është shpallur organizatë ekstremiste dhe i janë ndaluar aktivitetet e saj në Rusi, nga Gjykata e Lartë e vendit, përcjell albinfo.ch.

Seanca u mbajt me dyer të mbyllura, por gazetarët u lejuan të dëgjonin vendimin e gjykatës teksa u tha se askush nga “ana e të pandehurit” nuk kishte qenë i pranishëm, sipas BBC.

Ndryshe, Kushtetuta e Rusisë u ndryshua tre vjet më parë për të bërë të qartë se martesa nënkupton bashkim midis një burri dhe një gruaje, teksa vitet e fundit komuniteti LGBT në Rusi është vënë nën presion nga autoritetet.