Gjykata e Usterit jep 11 vjet burg për vrasjen e 28-vjeçarit me thikë në Zvicër

11 vjet burg për vrasjen e 28-vjeçarit në Uster, çështja në apel

Një 28-vjeçar zviceran humbi jetën në nëntor të vitit 2022, pasi u therr me thikë për vdekje gjatë një konflikti në një festë private ditëlindjeje në Uster. Viktima u godit tetë herë me thikë dhe vdiq nga humbja e gjakut në vend, në krahët e të dashurës së tij, transmeton albinfo.ch.

Autori i dyshuar, 31 vjeç, ka pranuar aktin, ndërsa Bezirksgericht Uster e ka dënuar atë me 11 vjet burg për vrasje me paramendim. Çështja po shqyrtohet aktualisht nga Obergericht des Kantons Zürich, pasi mbrojtja ka kërkuar shfajësim, duke pretenduar se bëhet fjalë për vetëmbrojtje.

Sipas aktakuzës, konflikti shpërtheu për një vend në makinë, ndërsa prokuroria thekson se autori ka vepruar pa paralajmërim dhe ka pasur prirje të dhunshme, duke kërkuar 18 vjet burg. Vendimi përfundimtar pritet të publikohet në mes të muajit mars./Albinfo.ch

---