Google po shkurton më shumë vende pune në Cyrih

pixabay

Google po shkurton sërish dhjetëra vende pune në vendndodhjen e tij në Cyrih. Nga njëra anë do të eliminohet i gjithë ekipi i rekrutimit në Cyrih, i cili më parë kishte 43 vende pune, por do të humbasin edhe dhjetë punonjës në ekipin e “Android TV”, shkruan 20min.

Në total, Google po shkurton 53 vende pune në Cyrih, teksa nga muaji mars 250 punonjës në vendndodhjen e vetme zvicerane të kompanisë u pushuan nga puna.

Këto shkurtime erdhën si pjesë e shkurtimeve globale që u kushtuan gjithsej 12,000 punonjësve punën e tyre, përcjell albinfo.ch.

“Reduktim” nga 43 në 0 pozicione

Përmes një deklarate, Google tha se pushimet nga puna ishin të nevojshme për të siguruar “organizimin efikas të aktiviteteve tona”. Tutje thuhet se kjo është arsyeja pse u mor vendimi i vështirë për të “reduktuar” ekipin e rekrutimit, ndërsa Google nuk shpjegon më tej se çfarë do të mbetet nga ekipi, ku do të shkurtohen të 43 pozicionet.