Grande e prekur nga sulmi në Las Vegas, kërkon paqe në botë

Këngëtarja Ariana Grande ka dhënë një mesazh prekës për viktimat e Las Vegasit, të cilët u vranë gjatë një koncerti muzikor.

Policia akoma është duke e hetuar motivin prapa vrasjes së 59 personave dhe lëndimit të 527 të tjerëve.

Këngëtarja, në koncertin e së cilës në maj ishin vrarë 22 persona në Manchester si pasojë e një sulmi terrorist ka bërë thirrje për “dashuri, unitet, paqe dhe kontroll të armëve”, shkruan albinfo.ch.

Ajo shtoi se njerëzit këtë vepër duhet ta quajnë terrorizëm.

“Zemra ime është thyer për Las Vegasin. Na duhet dashuri, unitet, paqe dhe kontroll i armëve. Quajeni këtë ashtu siç është – terrorizëm”, ka shkruar ajo në rrjetet sociale.