Gratë në Arabinë Saudite, së shpejti do të lejohen të dalin pa mbulesë

Këtë e ka thënë Princi 32 vjeçar Mohammed bin Salman. Ai gjatë vitit të kaluar është emëruar nga i ati, mbreti Salman, trashëgimtar i kurorës

Gratë në Arabinë Saudite së shpejti do të kenë të drejtë të vendosin vetë se çfarë do të veshin kur të dalin nga shtëpia. Princi saudit i kurorës, Mohammed bin Salman planifikon që të mos vendosen më rregulla që kërkojnë nga gratë bartjen e mbulesës së kokës dhe të fytyrës dhe as mbulesën e gjatë, të zeze të trupit në tërësi, përcjell albinfo.ch raportimet e medieve botërore.

Këtë njoftim, princi i moderuar e ka dhënë sot për televizionin amerikan CBS. Sipas rregullave në fuqi, gratë në Arabinë Saudite janë të detyruara që jashtë shtëpisë të bartin mbulesën e përmendur të zezë dhe shpesh, edhe të mbulojnë fytyrën dhe kokën.

Megjithatë, princi nuk ka dhënë ndonjë datë të hyrjes në fuqi të këtij ndryshimi.

Ai ka paralajmëruar qysh në shtatorin e vitit të kaluar lejimin e grave për të ngarë automjetet dhe ky vendim hyn në fuqi në qershorin e sivjetëm.

Princi 32 vjeçar Mohammed bin Salman me prirje reformiste, në verën e vitit të kaluar është emëruar nga i ati, mbreti Salman, trashëgimtar i tij.