Greqi: arrestohen 11 shqiptarë

Autoritetet greke kanë intensifikuar operacionet për parandalimin e hyrjes dhe qëndrimit në territorin e vendit të emigrantëve të paligjshëm.

Në zonën e Janinës janë arrestuar 11 shtetas shqiptarë, si dhe personat që kishin marrë përsipër që po i shoqëronin ata.

Policia thotë se ata ishin në një kombibus në të cilit ndodheshin gjashtë shqiptarë pa dokumente, ndërsa drejtuesi i këtij automjeti ka ikur dhe është shpallur në kërkim, përcjell albinfo.ch.

Ndërsa në një operacion tjetër, në rrugën Janinë-Kozani, 40 km nga pika kufitare e Kakavijës, u ndalua një automjet me drejtues një shtetas shqiptar të moshës 37 vjeç. Pesë bashkatdhetarët që kishte për pasagjerë, dy meshkuj dhe tre femra, ishin që të gjithë pa dokumente, njoftojnë mediat shqiptare.