Greqia dhe Kroacia me përqindjen më të vogël të të punësuarve në BE

Punësim më të lartë në këtë grup ka Suedia, 80 për qind, e ndjekur nga Gjermania me 77,7 dhe Britania e Madhe me 76,2 për qind

Greqia dhe Kroacia kishin nivelin më të ulët të punësimit në BE për grup moshat 20 deri në 64 vjeç, raporton Eurostat.

Vetëm 53.3 për qind e grekëve kanë punë për këto grup mosha, ndërsa në Kroaci kjo përqindje është 59.2 për qind.

Vjen më pas Spanja dhe Italia me 59.9 për qind në këto grup mosha.

Punësim më të lartë në këtë grup ka Suedia, 80 për qind, e ndjekur nga Gjermania me 77,7 dhe Britania e Madhe me 76,2 për qind.

Niveli i punësimit në gjithë BE-në është 69.2 për qind, por nuk e ka arritur ende nivelin e 2008, para krizës ekonomike, kur kjo shifër ishte 70,3 për qind e evropianëve, thotë Eurostat.

Punësimi më i lartë në mesin e më të vjetërve se 55 vjet është në Suedi, 74 për qind, dhe  në Gjermani  65,6 për qind.