Grimeri shqiptar: E shaj shqip Kim Kardashian kur nervozohem

“E shaj kur mërzitem dhe nuk dua që ajo të dijë se çfarë i them”, tha grimieri i njohur Mario Dedivanaj

Eventi “ODA” i organizuar disa ditë më parë në Pallatin Presidencial në Shqipëri bëri bashkë personazhe të njohur shqiptarë.

300 të ftuar të përzgjedhur mes politikës, artit, televizionit dhe biznesit ishin aty për t’u njohur nga afër dhe për të krijuar kontakte, me qëllim promovimin e traditave të të gjitha trevave shqiptare. Shqiptarët u bënë bashkë nën petkun e sharmit dhe elegancës, raporton “TV Klan”.

Të ftuarit shoqëroheshin nga zonjushat e veshura me motive tradicionale.

Ndër të ftuarit ishin edhe Majlinda Kelmendi, kampione olimpike, si dhe Mario Dedivanaj (Dedivanovic), grimieri i famshëm i Kim Kardiashian, përcjell albinfo.ch.

Ai foli shqip gjatë eventit dhe tregoi se nëna e tij ka folur gjithnjë shqip në shtëpi.

Vetëm pas pak ditësh ai do të jetë edhe në emisionin “Xing me Ermalin” ku në një pjesë ekskluzive për “Jo vetëm modë” Mario tregon se nuk i ka mësuar Kim Kardashianit të shajë në gjuhën tonë, pasi kur mërzitet me të e shan në shqip.

“E shaj kur mërzitem dhe nuk dua që ajo të dijë se çfarë i them”, tha grimieri.