Hagë: Bahtijarit i refuzohet kërkesa për gjykim në liri

The capitals of the EU : The Hague

Dhomat e Specializuara në Hagë e kanë refuzuar kërkesën e ish-pjesëtarit të Ushtrisë Çlirimtare të Kosovës, Ismet Bahtijari, që të gjykohet në liri.

Ai akuzohet për pengim të personave zyrtarë në kryerjen e detyrave zyrtare dhe frikësim gjatë procedurës penale, teksa në vendimin e Zyrës së Prokurorit të Specializuar thuhet se “Bahtijari është përgjegjës për veprat që akuzohet dhe do të vijohet mbajtja”, shkruan albinfo.ch.

ZPS-ja i ka kërkuar më shuma prova mbështetëse mbrojtjes së ish-pjesëtarit të UÇK-së për të artikuluar kërkesën për lirim.

Ndryshe, ZPS-ja arrestoi ish-pjesëtarët e UÇK-së, Sabit Januzin dhe Ismet Bahtijarin, me dyshimet për pengim të administrimit të drejtësisë ndërsa pretendohet se ndërmjet 5 dhe 12 prillit 2023, Januzi e Bahtijari me ish-deputetin Haxhi Shala e kanë nxitur dëshmitarin e mbrojtur “1”, për të cilin nuk identifikohet rasti, “që të mos jepte deklaratë, ose të jepte deklaratë të rreme, ose ndryshe, të mos i jepte informacion të vërtetë”.