Hapet panairi i mjedrës dhe manaferrës

:Panairi për promovimin e manaferrës dhe mjedrës, sivjet është organizuar nga Ministria e Bujqësisë dhe programi i USAID-it “Mundësitë e Reja për Bujqësi”.

Kultivuesit e manaferrës dhe mjedrës nga rajone të ndryshme të Kosovës, janë mbledhur në Prishtinë për të promovuar produktin e tyre. Këta prodhues janë tubuar  në sheshin “Nënë Tereza”  për të prezantuar dy produkte, që janë shumë të rralla, por shumë të kërkuara nga qytetarët.

Për dhjetë  ditë me radhë, sa do të jetë i hapur ky panair, 13 kultivues të këtyre bimëve të imta, përveç promovimit do të kenë edhe mundësinë e shitjes së drejtpërdrejtë të frutave të tyre.

Panairi për promovimin e manaferrës dhe mjedrës, sivjet është organizuar nga Ministria e Bujqësisë dhe programi i USAID-it “Mundësitë e Reja për Bujqësi”.

“Qëllimi i tij është promovimi i varieteteve të reja të mjedrës, manaferrës dhe luleshtrydheve, kryesisht varieteteve të reja Polka dhe Albion, të cilat janë mbështetur nga programi i USAID-it”, thuhet në njoftimin lëshuar nga Ministra e Bujqësisë, Pylltarisë dhe Zhvillimit Rural.

Gjatë ditëve të ardhshme panairi do të vizitohet edhe nga ministri i Bujqësisë, Blerand Stavileci dhe drejtoresha e USAID-it në Kosovë, Maureen Shauket