Haradinaj u bën thirrje vendeve aleate të mbështesin avancimin e Kosovës në Asamblenë Parlamentare të NATO-s

Ramush Haradinaj, Facebook

Kosova sot është në agjendën e Asamblesë Parlamentare të NATO-s, e cila shqyrton avancimin e statusit të vendit në këtë organizatë.

Vendi ynë sot synon ta avancojë statutin nga vëzhgues në anëtar të asocuar të kësaj organizate.

Ramush Haradinaj, kreu i Aleancës për Ardhmërinë e Kosovës, u ka bërë thirrje vendeve aleate të mbështesin këtë avancim.

“Apeloj tek aleatët tanë që ta mbështesin avancimin e Kosovës në këtë organizatë, që do të ishte një hap i rëndësishëm drejt anëtarësimit të plotë. Qeveritë vijnë e shkojnë, por anëtarësimi i Kosovës në NATO është jetik, që të kthehemi në ofrues të sigurisë rajonale dhe globale, përmes angazhimit aktiv, me ushtritë e botës demokratike të udhëhequr nga Amerika”, ka shkruar Haradinaj.