Helikopteri i ushtrisë zvicerane është dëmtuar në Francë

Ilustrim

Gjatë stërvitjes për një shfaqje ajrore në Roanne, në Francën qendrore, një helikopter Super Puma i Ushtrisë Zvicerane është dëmtuar, raporton swissinfo.

Sipas Grupit të Mbrojtjes së Forcave të Armatosura, ngjarja ka ndodhur gjatë një manovre ajrore në një seancë stërvitore në përgatitje të një shfaqjeje ajrore të planifikuar më 17 shtator, ndërsa nuk ka të lënduar.

Sipas njoftimit, ka pasur një devijim të pazakontë nga qëndrimi i synuar i fluturimit, i cili është korrigjuar menjëherë nga ekuipazhi i helikopterit, përcjell albinfo.ch.

Gjatë këtij incidenti, forca të forta kanë vepruar në helikopter, megjithatë dy pilotët ishin në gjendje të ulnin helikopterin në mënyrë të sigurt në vendin e synuar.

Pas fluturimit u kryen kontrolle standarde në helikopter dhe sipas deklaratës, këto kontrolle dhe analiza fillestare e të dhënave nga helikopteri në Zvicër dhe tek prodhuesi tregojnë për dëmtime të mëdha të helikopterit.

Si rezultat i incidentit demonstrimi i planifikuar i fluturimit të Super Puma të dielën është anuluar dhe incidenti është duke u hetuar nga departamenti i sigurisë së fluturimit të forcave ajrore.

Ende nuk është e mundur të vlerësohet shkalla e dëmtimit të helikopterit.

Helikopteri aktualisht ndodhet ende në Francë dhe po përgatitet për transport në Zvicër.