Zvicër: Hetime për marketing të ndaluar të ilaçit “çudibërës” Echinaforce

Një zëdhënës i Swissmedic ka sqaruar se botimi shkencor nga laboratori Spiez në "Virology Journal" më 9 shtator ka çuar në interpretime të pasakta

Pas raporteve të cilat produktin natyror shërues “Echinaforce” e shpallnin si një “kurë e mrekullueshme” e mundshme kundër koronavirusit, Swissmedic, që është organ mbikëqyrës për prodhimet farmaceutike në nivel të Zvicrës zvicerane, ka iniciuar hetimet.

Swissmedic kontrollon nëse është bërë marketing i ndaluar publik për produktin në fjalë, shkruan srf.ch.

Të mërkurën në mbrëmje, një zëdhënës i Swissmedic ka konfirmuar për agjensinë e lajmeve Keystone-SDA një raport përkatës nga TVO, të bërë në Zvicrën lindore, transmeton albinfo.ch. Sipas autoritetit mbikëqyrës, reklamimi publik për një aplikim të paautorizuar të një ilaçi, mund të ndalohet.

Por Swissmedic nuk ka dhënë detaje. Në përgjithësi, produktet medicinale mund të reklamohen në publik vetëm në lidhje me përdorimet e mundshme të aprovuara nga Instituti i Produkteve Terapeutike.

Siç dihet, të hënën, mediat zvicerane kanë njoftuar për një studim nga laboratori Spiez, sipas të cilit ilaçi me bazë bimore “Echinaforce” nga kompania A. Vogel, në Thurgau, është dëshmuar se ndihmon kundër koronavirusit në laborator, përcjell albinfo.ch.

Ilaçi natyror i bërë nga ekstrakte të luledeles së kuqe është shitur me të madhe deri më tani sepse supozohet se forcon imunitetin dhe parandalon ftohjet.

Efekti në trupin e njeriut, mbetet i diskutueshëm

Studiuesit kanë zbuluar se “Echinaforce” në kushtet e epruvetës ka një efekt vrasës ndaj koronavirusit. Sipas studimit të bërë në Spiez, megjithatë, është plotësisht e hapur nëse substanca në fjalë ka efektin e njëjtë edhe në trupin e njeriut.

Mediat ndërkohë kanë raportuar se pasi bërjes të njohur të studimit, kërkesa për “Echinaforce” nëpër farmaci ishte rritur ndjeshëm.

Një zëdhënës i Swissmedic ka sqaruar se botimi shkencor nga laboratori Spiez në “Virology Journal” më 9 shtator ka çuar në interpretime të pasakta.

Pas raporteve të mediave, raportime të padiferencuara ka pasur veçanërisht në mediat sociale, përcjell albinfo.ch. Kjo ka çuar në një nxitim për blerje me shumicë të “Echinaforce” dhe për oferta të paligjshme në platformat online midis konsumatorëve.

 

---