Hollande pritet me nderimet më të larta në Bernë

Presidentja e Federatës, Simonetta Sommaruga, e shoqëruar nga anëtarët tjerë të qeverisë e ka pritur homologun e saj në Aeroportin Belp të Bernës

Presidenti i Francës, Françosi Hollande ka ardhur sot për një vizitë zyrtare në Zvicër. Në Bernë atij i është bërë një pritje zyrtare me nderime ushtarake në Münsterstplatz, ku për nder të tij kanë qenë të pranishëm të gjithë ministrat (Këshilli Federal).

Presidentja e Federatës, Simonetta Sommaruga, e shoqëruar nga anëtarët tjerë të qeverisë e ka pritur homologun e saj në Aeroportin Belp të Bernës, ku ka aterruar delegacioni i lartë francez.

Hollande e ka bërë këmbë rrugën deri në ndërtesën ku do të mbaheshin fjalimet zyrtare, me ç`rast ka përshëndetur nga afër kalimtarët e rastit, ka folur përdore me ta dhe ka bërë fotografi, shkuan sfr.ch.

Ndërsa në “Rathaus” (ndërtesa e këshillit të qytetit, në mungesë të Pallatit Federal ku janë duke u zhvilluar punime), dy presidentët kanë mbajtur fjalimet zyrtare. Sommaruga me këtë rast ka përkujtuar se Zvicra po hyn në një fazë të re, miqësore të raporteve në mes të dy vendeve. Sipas saj, në disa vite të fundit këto marrëdhënie kanë qenë të ngarkuara me probleme si ai që lidhej me fshehjen e tatimeve.

Nga ana e tij Hollande në fjalën e tij ka përsëritur se dallimet në mes të dy shteteve tashmë janë tejkaluar dhe ka folur me përkushtim për lidhjen miqësore në me të Francës dhe Zvicrës, transmeton albinfo.ch. Ndërsa Hollande ka treguar edhe njëfarë mirëkuptimi për kushtëzimin në të cilin ndodhet qeveria zvicerane sa i takon jetësimit të iniciativës kundër migracionit masiv.

Hollande dhe delegacioni i tij gjatë vizitës dyditëshe përveç në Bernë do të qëndrojnë edhe në Cyrih, Gjenevë dhe në Lozanë.

---