Hoschek prezanton koleksionin e ri në Berlin

Koleksioni i emërtuar 'Winter Garden' u inspirua nga ilustrimet e shekullit të 19-të të luleve të kombinuara me elemente të ndryshme, me ç’rast u krijuan rroba me bletë e lule

Kreatorja australiane, Lena Hoschek, në Javën e modës në Berlin ka prezantuar koleksionin e saj të fundit për vjeshtë-dimër 2018, me një përzierje të madhe stilesh e ngjyrash, por preferoi të organizojë një shfaqje solo në kopshtin botanik të qytetit.

Hoschek, e njohur për dizajnet e saj femërore, tha se e zgjodhi këtë vend për koleksionin e saj, sepse lokacioni do të mund të kishte më shumë ndikim në rrobat e krijuara që i prezantoi.

Koleksioni i emërtuar ‘Winter Garden’ u inspirua nga ilustrimet e shekullit të 19-të të luleve të kombinuara me elemente të ndryshme, me ç’rast u krijuan rroba me bletë e lule. Në koleksion i ishte kushtuar vëmendje e posaçme detajeve, ndryshe shenjë dalluese kjo e kreatores.

Hoschek, e cila është nënë e një djaloshi të vogël, po përgatitet të hapë dyqanin e saj, me ç’rast do të shesë edhe rroba për fëmijë.