Hungaria mobilizon rezervistët për krizën e refugjatëve

Keystone

Për tu pëballur me sukses me krizën më të madhe të refugjatëve në historinë e re, Hungaria, pas mobilizimit tüe policisë dhe të ushtrisë, ka mobilizuar edhe forcat rezerviste. Këto të fundit aktualisht përbëhen nga vullnetarët që paraqiten për shërbim. Siç ka bërë të ditur ministri i mbrojtjes, rezervistët do të zëvendësojnë ushtarët në kazerma gjatë kohës kur ata të jenë duke bërë roje në kufi.

Aktualisht Hungaria është në konflikt me fqinjtë e saj, Serbinë dhe Kroacinë në lidhje me refugjatët që në rrugën e tyre drejt perëndimit kalojnë nëpër këto vende. Siç raportojnë mediet këto ditë, pas Hungarisë edhe shtetet tjera në regjion, si Kroacia, Sllovenia Austria dhe Gjermania kanë ndërmarrë masa për t`u mbrojtur nga fluksi i refugjatëve.

Ato ose kanë forcuar masat e kontrollimit të kufij apo kanë ndaluar trenat që sjellin refugjatë ndërsa më së largu ka shkuar Hungaria, duke ngritur gardh me tela gjemborë përgjatë gjithë kufirt me Serbinë, e tash së fundi edhe me Kroacinë.