I mbijeton rënies nga kati i tetë!

Fisnik Brruti nga Kaçaniku duket se ishte njeriu më me fat në rajon. Ai i mbijetoi rënies nga më shumë se 20 metra lartësi

Një qytetarë nga Kaçaniku, i cili ishte duke punuar në një objekt  tetëkatësh, kishte rrëshqitur nga mbajtëset dhe kishte rënë në tokë.  Fisnik Brruti, 35-vjeç, duket se ishte njeriu më me fat në rajon, sepse i mbijetoi rënies nga më shumë se 20 metra.

Ai ka marrë lëndime të rënda trupore, ndërsa për një periudhë nuk ka  pasur as vetëdije. Mirëpo tani ai konsiderohet jashtë rrezikut për jetë.

“Të enjten, rreth orës 10:00, policia është njoftuar se Fisnik Brruti  ka rënë nga kati i tetë i objektit që është duke u ndërtuar në rrugën  “Qamil Ilazi” në Kaçanik, ndërsa ka marrë lëndime të rënda trupure”,  ka deklaruar të premten, Agim Gashi, zëdhënës i Policisë rajonale të Ferizajt.

Familjarë e të aksidentuarit, ndërkaq kanë deklaruar për të përditshmen “Koha” se Bruti ai nuk është në rrezik për jetën.

“Vetëdija i është kthyer, ndërsa tashti është dërguar në Klinikën  Ortopedike të Qendrës Klinike Universitare të Kosovës në përkujdesje intensive”, ka thënë Besnik Brruti, vëlla i të aksidentuarit.