I pari i NATO-s nesër në Kosovë, agjenda e kësaj vizite

Të hënën e 20 nëntorit shefi i NATO-s, Jens Stoltenberg, do ta vizitojë Kosovën, ku pritet të takohet me presidenten e Kosovës, Vjosa Osmani dhe me kryeministrin e Kosovës, Albin Kurti.

Sipas njoftimit nga Zyra për Media e NATO-s, pas takimit me Osmanin, do të ketë konferencë për media, përcjell albinfo.ch.

“Më 20 nëntor, Sekretari i Përgjithshëm do të vazhdojë udhëtimin e tij në Kosovë, ku do të ketë diskutime me zonjën Vjosa Osmani-Sandriu dhe zotëri Albin Kurtin. Ai do të vizitojë edhe kampin e KFOR-it të NATO-s ‘Nothing Hill’, ku do të takojë komandantin e KFOR-it, gjeneralmajorin Ulutas, dhe do t’u adresohet trupave. Ai do të takojë edhe Drejtorin e Ekipit Këshillues dhe Ndërlidhës të NATO-s, Gjeneral Brigade, Hammerstein”, thuhet në njoftimin e NATO-s.