Identifikohet në Zvicër varianti BA.2.86 i Covid-19

Foto: Ministria e Shëndetësisë e Kosovës

Varianti BA.2.86 i Covid-19 po monitorohet nga afër nga Organizata Botërore e Shëndetësisë, pasi është zbuluar në ujërat e zeza në Zvicër. Deri më sot, rreth dhjetë raste janë vërejtur në pesë vende, shkruan swissinfo, përcjell albinfo.ch.

Ky variant ka më shumë se 30 mutacione, për këtë arsye, një javë më parë OBSH-ja ka vendosur ta përfshijë atë në variantet që do të monitorohen, së bashku me gjashtë variante të tjera.

Megjithatë nuk konsiderohet të jetë një variant i rrezikshëm.

“Gjithçka do të varet nga qarkullimi në një vend të caktuar. Rastet janë identifikuar në Danimarkë, Shtetet e Bashkuara të Amerikës, Izrael, Britaninë e Madhe dhe Afrikën e Jugut. Varianti gjithashtu është zbuluar në ujërat e zeza në Zvicër dhe Tajlandë”, ka thënë në një deklaratë për media sot epidemiologia e OBSH-së, Maria Van Kerkhove.