Incidentet gjatë protestave në veri

Ministria e Punëve të Brendshme ka publikuar numrin e “sulmeve të milicisë fashiste” në veri të Kosovës që nga fillimi i protestave një javë më parë.

Sipas MPB-së, “dhuna dhe terrori i ushtruar nga milicia fashiste ka prodhuar numra të konsiderueshëm të akteve kriminale në veri gjatë këtyre ditëve”, përcjell albinfo.ch.

“Kaosi që kanë tentuar të krijojnë bandat kriminale të dirigjuara dhe të orkestruara nga Beogradi, kanë shkaktuar lëndime në njerëz, dëme materiale dhe tentim ndalimin e shprehjes së lirë e raportimit nga mediat. Nxitja e konflikteve ndëretnike nga individë kriminalë, ka qenë synim tjetër i tyre, i cili do të dështojë. Këto numra dëshmojnë që protestat nuk kanë qenë paqësore. Protestat nuk kanë qenë të qytetarëve. Protestat janë të milicisë fashiste”, thuhet në reagimin e MB-së.

Në njoftimin e lëshuar të premten nga kjo ministri janë shënuar 21 sulme ndaj mediave/gazetarëve, 6 zyrtarë të lënduar të Policisë së Kosovës, 30 ushtarë të KFOR-it të plagosur / 3 me armë zjarri, 2 qytetarë të rrahur brutalisht, 2 vetura të djegura tërësisht të Policisë së Kosovës dhe 7 vetura të dëmtuara të Policisë së Kosovës.

Të premten e 26 majit, tre kryetarët shqiptarë të Zveçanit, Leposaviqit dhe Zubin Potokut shkuan në zyrat e tyre në objektet e komunave, kjo prodhoi edhe kundërshtim nga serbët, ku pati edhe përplasje mes policisë dhe protestuesve, e pastaj edhe me pjesëtarëve të KFOR-it.

Njoftimi i Ministrisë së Punëve të Brendshme: