Intelegjenca britanike zbulon se Rusia mbështetet tek mercenarët

Keystone (AP Photo/David Goldman)

Sipas një vlerësimi të inteligjencës ushtarake britanike, Rusia vazhdon të mbështetet në mercenarët dhe njësitë vullnetare të ushtrive private në luftën e saj kundër Ukrainës, edhe pas kryengritjes së Wagnerit.

Videoja e publikuar nga Kremlini tregon se presidenti rus Vladimir Putin takohet me ish-shefin e shtabit të grupit mercenar Wagner, Andrey Troshev. Putin e udhëzoi Troshevin të krijonte “njësi të reja luftarake vullnetare”.

I pranishëm në takim ishte edhe zëvendësministri rus i Mbrojtjes, Yunus-bek Yevkurov, i cili së fundmi është parë duke vizituar vendet afrikane, transmeton dpa përcjell albinfo.ch.

Vlerësimi britanik deklaronte se ”Troshev ishte i përfshirë në përpjekjen për të bindur luftëtarët e Wagnerit të nënshkruanin kontrata me ushtrinë e rregullt ruse” dhe shtoi se ”shumë veteranë të Wagner ndoshta e konsiderojnë atë si një tradhtar”.

Ministria Britanike e Mbrojtjes ka publikuar informacione të përditshme mbi ecurinë e luftës që kur Rusia nisi një pushtim të plotë të Ukrainës në shkurt të vitit 2022. Moska akuzon Londrën për dezinformim.